مرسلة بواسطة Unknown
يوم
samedi 3 août 2013
السلام عليكم انا بغيت نطرح مشكلتي بعدما قريت ديال المشاكل واللي عنده شي حل مايترددش يقولو ليا انا تزوجت بولدخالتي ماكنبغيهش وقلت ماشي مشكل الحب العشرة اهم وغير كتبنا العقد مابقيتش نحملو وندمت علاش تزوجتو وملي قلت لامي صاي انا مكنحملوش قالت صافي دابا فات الفوت ومن داك وانا كنعيش صراع نفسي كنكرهو لدرجة مكنحملش نسمع تا الصوت ديالوالمهم جا من اسبانيا وقالك نديرؤ العرس والله العظيم ماشفت نهار ابيض من يوم تزوجتو او ضحكت كنحس راسي صافي انتهت حياتي كنكرهو لدرجة ماتصوروهاش وملي نقول للوالدة بغيت نتفارق معاه تقولي بغيتي نتخاصم مع خالتك وانا دابا حايرة واش نبقى نعيش هاد الالم والصراع النفسي ماناكل مانعس ماكنخرج مشيت عند طبيب نفسي قالي الحل انك تفارقي معاه دام انك ماكتبغيهش وانا ماقدرتش نعصب مي مسكينة ونزيد همها وماقدرتش نبقى هكا مرات كنفكر في الانتحار ومرات كنفكر نهرب لشي بلاد المهم هو انا انني كنعاني مع راجل ماكنبغيهش ونفسيتي وجسمي ماقبلينوش تماما وهاد الكره كيتطور يوم علي يوم دابا انا سبع اشهر في هاد الحال اللي عنده شي حل يقولو ليا
0 تعليقات
