الزيارات:
راجلي عيشني العذاب قبل منعيش معاه
الزيارات:
أنا عمري 25 سنة مشكلتي يمكن ما عندها حل, أنا من عائلة لي رباتني مزيان و قراوني و الحمد الله كلشي كيشهد علية غي بالخير
المهم عمرو فكرت في الزواج كانقول عايشة مزيان علاش نتزوج و والدية عمرو قالولي خاصك تزوجي
هادي عام تقدملي واحد من العائلة كلشي قالو عليه مزيان خدام مزيان عايش مزيان و الدين معندوش معا العلاقات الحرام و هادئ ولكن كان مزوج قبل بوحدة على ماقالو عذباتو بزاف…
والدية وافقو أنا لا ولكن عام و كلشي العائلة باغاني نتزوج
من البعد ما فكرت قلت ختاروه والدية ندير أش بغاو و داك شي لي درت و درنا الخطوبا هو ساكن بعيد كن نهدرو غي في التليفون بقا زربان على الزواج قلت ماعليش يمكن حيت كيبغيني ولكن من البعد ما تزوجتو بانو 2 وجوه نتاعو يتعصب علية على والو إلى جيت نتناقش معاه كيقولي نتي ماشي مربية كتردي الهدرة على راجلك لمهم كيبهدلني و كيحسسني بالنقص أنا كنبان صغيرة و زينة الحمد الله ولكن ديما كيقولي نت مشي زينة ولكن أنا مهامنيش الزين ذليت راسي بزاف و كانقول معليش رجلي ولكن هو مرضني مرات كيكون مزيان كيقول كلام زين و كيشريلي الورد و كنفرح و من بعد يدير سبة و يبقا يعاير على وااااالو و رب شاهد علية, دابا 3 شهور ملي تزوجت و العرس من بعد شهرين و ديما كيقولي نطلقو مبغيتش نعيش معاك و أنا مدرتلو والو ماما مين سولاتو علاش باغي التفارقو قالها لا غي كانقولها هاد الكلمة باش دير عقلها حيت كترد علية الهدرة و لاكن هو بغاني أنا نطلب الطلاق هاد الشي لي حاسة بيه…
أنا شمالية إلى طلقت غادي نتشوه و حتى والدية و إلى كملت معاه غدي نموت
أنا جاني كيتعامل معايا خايب غي حيت تعقد من زواجو الأول أنا مدرت والوو
هو قدام العائلة كايعاملني بحال أميرة ولكن بوحدن بحال عبدة و لكن شي مرات كيكون مزيان أنا معارفاش مالو بحال عندو نفصال في الشخصية والله ماعرفت هاد الشي علاش أنا والله مكندير والو
مبغيتش نطلق حيت والدية غادي يمرضو راني صابرة على هاد العذاب و كندعي الله يهديه
سمحولي طولت عليكم قلبي عامر و ربي لي شاهد محتاجكم تدعيو معايا في هاد ليام نتاع رمضان الله يعطيكم ما تمناو دعيو معايا
0 تعليقات
