ويرزق كل المدامات بالذريه الصالحه المباركه وانا معاكم
اللهم اااااااااااااااااااااااااااااامين
طبعا السويت بنشوف مواضيع كتير اوى عليها والبنات اللى بتشتكانها مش بتعرف تعملها ولا تستعملها
وانا كنت واحده منهم بس الحمد لله قدرت
احاول واعملها وطلعت ممتازه ورررررررررررررررررروعه
وريحتنى جامد من ناحيه ان بطلت اجيب اى سويت جاهز
لانه مبقاش حلو وكمان انا مش ضمناه معمول ازاى والا محطوط فيه ايه
وكمان بقيت بعملها بحب وتقنيه عاليه علشان تطلع جميله وسهله
والحمد لله بعملها من فتره وكمان عملتها لحبايبى وفرحوا بيها اوىىىى وارتاحوا ليها
رغيت كتير معلش
جيت النهارده ان شاء الله اعرفكم
طريقه سهله لعمل السويت
وكمان طريقه استخدمها
ومن النهارده مش هتشتكوا تانى
ندخل فى المفيد
كوبايه سكر مطحون
نصف لمونه
ربع كوبايه عسل ابيض
حوالى خمس معالق كبار مايه ايوه المقادير كده صح مش تستغربوا
ايوه مطحون علشان تتعمل بسرعه وكمان تضمنى انها مش هيبقى فيها اى حتت ومحببه بالنسبه للسه بتتعلم لاول مره
الطريقه
نبل السكر بالمايه بس مش نحط كمايه يعنى عايزه مجرد بس انا السكر يشرب المايه وميبقاش باين مايه تانيه عليها
زى كده
ونشغل النار على الهادى ونضيف نص المونه
ونسيب القشر فيها
بعد كده نسيبها لحد ما تفور بس خلى بالك اوعى تتحرق منك
تبقى زى كده
نضيف بقى العسل الابيض
والسبب ان خليته للاخر علشان ميتغليش كتير وفايدته تروح وكمان علشان يبقى هو كتير لانه اللى هيفضل
بصوا لما هديت لونها دهبى ازاى
كده تبقى اتعملت لكن متشيليهاش لما تكون لسه فاتحه اوى لانها مش هتكون استوت
شايفين عامله ازاى
نسيبها لما تهدى حوالى 3 دقايق نكون محضرين طبق اللى هو الفل ده
او كيس بس يكون سميك
ونبلهم بالمايه
وكمان الرخامه اللى هنصب عليها نبلها بالمايه
ونختبر معلقه صغيره من السويت ناخدها وندلقها على الرخامه لو فرشت اوى تبقى لسه نايه لكن و فرشت حابه صغيرن ووقفت على كده
تبقى كده تمام وتصبى الباقى
وعلى طول تلمى فيها بالمعلقه لحد ما تهدى اكتر وتقدرى تمسكيها بايدك
تروحى لمها وحطها كده فى الطبق
شايفين الجمال هههههههههههه
ديه مش كيكه ديه السويت
هههههههههههه
ولما تبرد تجيبى مقص وعلى فكره هتطلع معاكى من الطبق بكل سهوله لانه كان مبلول مايه
بس المقص الكبير وتقصى بقى السويت قطع زى اللى بتشتريها من بره
وتدهنى كل واحده من على الوش بنقطه زيت
وتحطيهم على بعض
علشان مش يلزقوا
واحلى حاجه لما تكونى محضره نفسك وتسخدميها على طول
وكمان فيه تكيتين حلوين اوى
1|ممكن تضيفى 3 نقط من اى زيت عطرى انتى بتحبيه قبل ما تيجى تشيليها من على النار على طول وشمى بقى الريحه الروووووووعه
2|يا سلام بقى لما تضيفى على العسل الابيض مثلا لو هتجيبى كيلو عسل وضيفى عليه 5جرام غذاء ملكات النحل
وطبعا ده ممكن يفضل معاكى سنه
اتفرجى على الجمال والروعه
والبياض اللى مش هيبقى ليه مثيل
وانسى بقى اى تقشير
او صنفره للجسم
وانسى اى بقع او مكان غامق
بصوا الجمال العسل الابيض بيخليها زى الملبن والله
وبيشيل اى شعرايه صغيره مهما كانت
يا بنات بالله عليكم انا تعبت جدااااااااااااااا فى الموضوع ده
اللى يعجبها زى الشاطره كده تروح تقييم وتيجى
وكمان عرفونى اكمل واعمل موضوع تانى عن اسهل طريقه نستخدمها وازاى نعرف نشيل بيها كويس اوى لو موافقين عرفونى واعمل موضوع تانى
وفيه استفتاء وطلب معلش بقى
انا بفكر اعمل مشروع السويت ده وابيعه
ايه رايكم ينفع
هعمل بالعسل الابيض وكمان بغذاء ملكات النحل
وبفكر كمان اعمل للبنات بس طبعا ماعدا المناطق المحرمه علينا بس اعمله من بيتى ياترى ينفع من البيت ولا محدش يرضى يجى
واخير ادعولى بالذريه الصالحه
0 تعليقات
